हेटौंडादेखि संघीय राजधानी काठमाडौं जोड्ने सिस्नेरी–दक्षिणकाली मार्गमा अहिलेदेखि पुस २६ गतेसम्म सबै सवारी आवागमन बन्द गरिएको छ । कालोपत्रका कारण सडकमा सवारीसाधन आवतजावतमा रोक लगाइएको जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले जानकारी दिए ।
त्यस्तै कुलेखानी–फाखेल–मातातीर्थ सडक मर्मतका लागि आवागमन बन्द गरिएको छ । हेटौंडा र काठमाडौं जोड्ने त्रिभुवन राजमार्ग, नारायणगढ मुग्लिन सडक र कान्तिलोकपथ सडकमा अहिले सवारीसाधन गुड्ने गरेको जिल्ला प्रहरी कार्यालय मकवानपुरले जनाएको छ ।
