नवलपरासीको गुराश टोलमा एउटा अजिंगरलाई बचाइएको छ। बर्दघाट निवासी वन्यजन्तु उद्धारकर्ता दुर्गा लामिछानेले सोही क्षेत्रको शिरोमणि अधिकारीको कुखुराको खोरमा फेला परेको अजिंगरलाई बचाउनुभएको थियो। उद्धारकर्ता लामिछानेका अनुसार दश फिट लामो, लगभग आठ किलोग्रामको अजिंगरलाई आज चितवन राष्ट्रिय निकुञ्ज पठाइनेछ। यस वर्षको गर्मीको सुरुवातदेखि बर्दघाट नगरपालिकाको वरपरबाट तीनवटा अजिंगरलाई बचाइएको छ।
