एजेन्सी: ‘खजुरे ब्रो’, ‘ज्वाइँ साब’ र ‘नरसिंहा स् अवतार’ असफल भएपछि अभिनेत्री नीति शाहले ‘मोहर’मार्फत् सफलताको स्वाद चाखिन् । ‘मोहर’ नीतिको अलवा पल शाह, बेनिशा हमाल पनि मुख्य भूमिकामा छन् । यस चलचित्रमा नीतिको अभिनयको प्रशंसा पनि भइरहेको छ
अब यही हप्ता नीतिको अर्को चलचित्र ‘कोशेढुंगा’ प्रदर्शनमा आउँदैछ । ‘पूर्णबहादुरको सारंगी’ फेम्ड निर्देशक सरोज पौडेलको यस चलचित्रमा पनि नीतिसँगै सुरक्षा पन्त, आर्यन सिग्देल लगायत कलाकारको मुख्य भूमिका छ ।
यही ‘कोशेढुंगा’को प्रमोसनको दौरान ‘द प्रकाश सुवेदी शो’मा पुगेकी नीतिले अभिनेता पल शाहको फ्यान फलोइङलाई बलिउड अभिनेता शाहरुख खानसँग तुलना गरेकी छन्
उनले पलबारे भनेकी छन्, ‘मलाई चाहिँ पल शाह कस्तो लाग्यो भने बलिउडको शाहरुख खानको फ्यान फलोइङ छ नि ? नेपालको फ्यान फलोइङ भएको अहिलेको हाम्रो पुस्ताको अभिनेता पल शाह हुनुहुन्छ ।’
नीतिको जस्तै ‘मोहर’ले पलको पनि अभिनय करियरलाई राहत प्रदान गरेको थियो । ‘रावायण’ र ‘मायावी’ लगालग फ्लप भएपछि ‘मोहर’ले उनलाई पनि राहत दिएको थियो । चलचित्रले हलबाट लगानी सुरक्षित गरिसकेको छ ।
