यान्त्रिक समस्याका कारण आज बिहान काठमाडौंबाट लुक्ला जाँदै गरेको समिट एयरको विमान त्रिभुवन अन्तर्राष्ट्रिय विमानस्थलमा आपतकालीन अवतरण गर्नुपरेको छ। टीआईएका प्रवक्ता रिन्जी शेर्पाका अनुसार फाप्लु क्षेत्रमा उडान भरिरहेको बेला विमानमा केही प्राविधिक समस्या आएको खबर आएपछि पाइलटले टीआईएमा आपतकालीन अवतरण गर्ने निर्णय गरेका थिए। आज बिहान ७:२४ बजे विमान सुरक्षित रूपमा टीआईएमा अवतरण भएको छ। प्राविधिक टोलीले अहिले समस्या समाधान गर्ने प्रयास गरिरहेको छ। टीआईए कार्यालयका अनुसार विमानमा पाइलट र चालक दलसहित १९ जना सवार थिए र उनीहरू सबै सुरक्षित छन्।
